Heim & Skúli

Týsdagin 2. apríl til fríggjadagin 5. apríl var evnisvika í skúlanum. Evni í ár var øðrvísi ítróttur, har ætlanin var at vísa børnunum á aðrar ítróttargreinir enn tey vanliga kenna. Vit byrjaðu týsdag við flogbólti, har Fleyr møtti upp við fýra venjarum at hjálpa okkum. Hetta riggaði stak væl og dámdu børnini væl. Vit fóru síðani aftur til skúlan, har Randi Kúrberg frá Hvirluni kom at undirvísa okkum í frælsum ítrótti. Vit gjørdu nøkur ting inni og fóru síðani út at gera tað síðsta. Aftur riggaði væl og børnini hugnaðu sær óført.

Mikudagin fóru vit til Havnar og á tennisvøllin í Gundadali. Føroyameistarin hjá monnunum Ingi Højsted tók ímóti okkum og gav børnunum eina góða og stuttliga venjing. Kavi var á vøllinum, men børnini hjálptu til við at rudda hann vekk og so kom sólin, so dagurin eydnaðist væl.

Hósdagin skuldu børnini til bæði skateboardhøllina og inniróður. Tey eldru byrjaðu við skateboard og tey yngru við rógving. Eftir ein tíma var býtt um. Børnini arbeiddu sera hart til rógvingina og stuttleikaðu sær óført til skateboard. Eftir hetta ótu vit matpakka niðri í Voksbotni áðrenn leiðin gekk niðan í Grasagarð at spæla til bussurin kom.

Fríggjadagin tóku vit samanum í skúlanum. Tey eldru gjørdu veggjarmyndir um dagarnar, meðan tey yngru gjørdu hvør sína tekning, sum síðani allar blivu samlaðar til eina bók, sum hvør næmingur fekk heim við.

Alt í alt var tað ein sera góð evnisvika, har børnini stuttleikaðu sær nógv og nógv nýtt varð roynt. Vit gleða okkum longu til komandi árs evnisviku.

Um onkur av børnunum høvdu havt hug at byrja til onkra av hesum ítróttargreinunum, so kunnu tit finna meira info her:

Fleyr: https://fleyr.fo/memberportal/frontpage

Skatefelagið: https://skate.fo/

Tennis: https://tennis.fo/?_l=fo

Frælsur ítróttur: https://www.athletics.fo/

Havnar Róðrafelag: https://isf.fo/felag/havnar-rodrarfelag/