Heim & Skúli

Ein sera stuttligur og hugnaligur desembur mánaður kom at enda í skúlanum, tá ið vit hósdagin 20. desembur fyrst høvdu framsýning fyri ommum og abbum saman við barnagarðinum. Jólaleikurin 'Tá ið jólamaðurin fekk liðagikt sjálvan jóladag' saman við lucia, blokkfloytu og sangi var á skrá í ár og hetta gekk sera væl. Seinni á degnum var tann stóra framførslan, tá øll foreldur og systkin komu at hyggja. Børnini tóku uppgávuna við stívum armi, og øll vóru sera væl nøgd. Aftaná framsýningina høvdu foreldrini høvi at keypa ymiskt jólaligt, ið børnini høvdu gjørt til frama fyri SOS Børnebyerne og aftur í ár samlaðu tey eina rúgvu av peningi inn.

Fríggjadagin 21. desembur møttust øll kl. 8 til at rudda, áðrenn fari var í kirkju kl. 9. Í kirkjuni høvdu 6. flokkur fingið hvør sín part at lesa upp av jólaevangeliinum, inngangsbøn og útgangsbøn, og var hetta ein sera flott løta. Tá vit komu aftur í skúlan kom jólamaðurin á vitjan og gav børnunum ein jólapakka at fara í jólaferiu á.

Vit í skúlanum takka fyri eitt gott hálvár og gleða okkum til komandi tíðina.